BUTUAN CITY – Nagdesisyon ang Supreme Court (SC) En Banc nga hingpit nang ibasura ang mosyon sa Kamara nga naghangyong balihon ang ilang desisyon niadtong Hulyo 25, 2025 kansa nagbutyag nga supak sa Konstitusyon ang impeachment batuk kang Vice President Sara Z. Duterte.
Gipalig-on sa Korte Suprema nga ang ika-upat nga impeachment complaint nga gipadala sa Senado niadtong Pebrero 5, 2025, bawal na ilalom sa Article XI, Section 3(5) sa 1987 Philippine Constitution.
Wala nakabotar si Associate Justice Alfredo Benjamin Caguioa, samtang naka-leave si Associate Justice Maria Filomena Singh.
Gitin-aw usab sa taas nga hukmanan nga ang unang tulo ka reklamo, wala malakip sa Order of Business sulod sa gitakdang napulo ka mga session days.
Giklaro usab sa Korte Suprema ang kala-inan sa duha ka paagi sa impeachment kondiin ang una, mu-agi sa proseso sa Committee on Justice, samtang ang ikaduha, ipapasar kung duna’y pirma sa katlu-an sa mga miyembro sa Kamara.
Gipalig-on sa Korte Suprema nga nagtunhay gihapon ang due process sa impeachment aoan duna kini pinasahing hiyas ug ang hingpit nga pagtaral, himuon sa Senado.
Gipatuman gilayon ang resolusyon human ang digital service sa tanang partido.
