BUTUAN CITY – Wala na’y mga senyales nga duna pay buhi ilawom sa mga tipaka sa usa ka nahugmak nga eskwelahan sa Indonesia kondiin 59 ka mga tawo pa ang pabiling missing, sigon sa mga rescuers.
Nasayrang gatusang mga estudyante nga kadaghanan mga bayong-bayong, ang anaa sulod sa 2-andanas nga Islamic boarding school sa lungsod sa Sidoarjo, dihang nahugmak kini niadtong Lunes hinungdan sa pagkamatay sa lima ka mga estudyante ug pagka-angol sa laing 100.
!3 usab ka mga tawo ang luwas nga nakuha gikan sa midat-og kanilang mga tipaka sukad gisugdan ang rescue efforts apan duha kanila ang namatay pag-abot sa ospital. Nagpabiling hagit sa gihimong rescue operations ang dili lig-ong istraktura sa maong dakbalay nga gikabalak-ang mutiwas na hinuon sa mga posibleng survivors.
Kaganina, migamit na ang mga rescuers og thermal drones apan pakyas kini pag-detect og mga senyales nga duna pa’y buhi ilawom sa mga debris.
Sigon sa mga otoridad, kagahapon nakadungog pa sila og mga naghilak ug naninggit gikan sa ilawom nga bahin sa nahugnong eskwelahan apan ning adlawa, hilom na ang palibot.
