-- ADVERTISEMENT --
BUTUAN CITY – Gikasubo sa Department of Education kon DepEd-Caraga ang pagkamatay sa usa ka school principal h uman nakuryentihan atol sa Brigada Eskwela sa ilang tunghaan.
Gi-ila ni PCI Zandro Santillan, hepe sa kapulisan sa San Francisco, Agusan del Sur ang biktima nga si Josie Dela Cruz, 60 – anyos, principal sa Ormaca Elementary School, ug residente sa Brgy. Ormaca, sakop sa maong lungsod..
Sigon niini nanglimpyo matud pa ang biktima sa palibot sa ilang eskwelahan subay sa gipahigayong Brigada Eskwela dihang gipunit niini ang wire nga naalaan niyang basura na apan nakakonekta diay sa linya sa kuryente hinungdan sa iyang pagkirig.
Dali kining gidala sa ospital apan gideklara kining dead on arrival sa attending physician. (Mon Aplaya)
