BUTUAN CITY – Napili ang Surigao City Sangguniang Panlungsod sakop sa lalawigan sa Surigao del Norte isip Best Sangguniang Panlungsod sa Caraga Region, tungod sa ilang maayong performance sa local legislation, transparency, ug suporta sa mga programa sa lungsod.
Atol kini sa Local Legislative Award (LLA) nga gipahigayon sa Cebu City kondiin gihatag kini nga pasidungog sa Department of the Interior and Local Government (DILG), uban sa Vice Mayors’ League of the Philippines, ug sa Philippine Councilors League isip pag-ila sa mga Sangguniang Panlungsod nga nagpakita og maayong pamalaod, epektibong pagdumala sa budget, ug suporta sa development programs sa siyduad.
Sigon ni Surigao City Vice Mayor Alfonso Casurra, ang pagkapili sa ilang konseho, mugna sa ilang maayong landmark ordinances ug aktibong partisipasyon sa governance gawas pa sa ilang klaro ug bukas nga proseso sa budget ug sa ordinansa.
Tungod niini, sila ang murepresentar sa Caraga Region sa finals nga himuon sa kauluhan sunod tuig dungan sa pagla-um nga ilang makuha ang kada-ugan ilabina nga subsob ang gihimo nila karong preparasyon.
Alayon niini, duna’y ihatag nga cash incentives ang city government ngadto sa mga staff sa Sangguniang Panlungsod isip pahalipay sa ilang kabahinan sa pagtabang aron makab-ot ang maong kada-ugan.
Apan masayran lang matud pa ang kantidad niini higayong madawat na nila ang supplemental budget karong Huwebes.
