BUTUAN CITY – Ipailalom sa Post Mortem Examination ang patay’ng lawas sa usa ka SCAA member human aksidenteng mibuto ang iyang isyu nga armas alas 11:30 sa gabii sa may Sitio Payongpayong, Barangay Tinigbasan, Tubay, Agusan Del Norte.
Naila ang biktima nga si Gello Ago Calvo, 18-anyos, menyu, kanhe rebelde ug miyembro na sa 2nd Agusan Del Norte SCAA company sa maong dapit.
Nakadawat ang mga personahe sa Tubay Municipal Police Station og tawag sa accidental firing alas 12:40 sa kaadlawon nga dali usab nilang girespondihan.
Sa gihimung imbestigasyon, nasuta nga gidula-dulaan sa biktima ang isyu niining M14 Rifle sa dihang aksidentng mibuto nga mi-igo sa iyang walang kamot og milapos sa ba-ba ngadto na sa iyang ulo hinungdan sa iyang hinanaling kamatayon.
Daling gidala ang patay’ng lawas sa biktima sa Cabadbaran District Hospital alang sa otopsiya.
