BUTUAN CITY – Na-aprubahan na atol sa unang bahin sa ikaduhang pagdungog sa Senate Blue Ribbon Committee kaganina ang pag-isyu og warrant of arrest batuk sa mga contractors nga wala mitunga aron maresulba na ang isyu sa mga anumaluso ug ghost control projects taliwa nga gipadalhan na sila og subpoena.
Sa pagsugod sa pagdungog sa komite nga gipangunahan ni Senador Rodante Marcoleta, unang gitutukan ang mga contractors nga napakyas pagtambong sa unang pagdungog niadtong Agusto 19.
Nasayrang gipadalhan na og mga subpoena ang mga tag-iya ug tag-as nga opisyal sa napulo ka mga 10 contractors nga absent sa unang pagdungog. Apil niini sila Luisito Tiqui – Presidente sa L.R. Tiqui Builders, Inc.; Cezarah Discaya – President sa Alpha and Omega Gen. Contractor & Development Corp.; Lawrence Lubiano – President sa Centerways Construction and Development Inc.; Edgar Acosta – President sa Hi-Tone Construction & Development Corp.; Marjorie Samidan – Authorized Managing Officer sa MG Samidan Construction; Romeo Miranda – President sa Royal Crown Monarch Construction & Supplies Corp.; Ma. Roma Angeline Rimando – President sa St. Timothy Construction Corp.; Aderma Angelie Alcazar – President/CEO sa Sunwest, Inc.; Eumir Villanueva – President sa Topnotch Catalyst Builders Inc. ug Mark Allan Arevalo – General Manager saWawao Builders.
Tungod sa pag-absent sa upat gikan sa napulo sa subing gi-imbitar sa pagdungog, giduso ni Senador Erwin Tulfo ang mosyon nga isyuhan og arrest warrant ang maong mga contractors nga sa ngadto-ngadto, giduso usab ni Senador Ronald ‘Bato’ de la Rosa nga i-cite in contempt una sila aron musunod na ang pag-isyu sa arrest warrant.
