BUTUAN CITY – Patay ang tulo ka pulis apil ang hepe sa Sibulan Municipal Police Station human gipusil sa ilang gidakop usab nga pulis sulod sulod sa restobar kinsa nalambigit usab sa pagpamusil.
Naila ang suspetsadong si Police Staff Sgt Bonifacio Saycon nga una matud pang namusil sa usa ka resto bar sa Brgy Tubtubon sakop sa maong lungsod, lalwigan sa Negros Oriental pasado alas-9:35 kagabii nga gikamatay sa sibilyang si Shiela Mae Dinanao.
Sigon ni Police Regional Office-Negros Island Region spokesperson PLCol Joem Malong, miresponde gilayon ang mga pulis human sa unang insidente kondiin ilang gidakop si Saycon apan samtang gidala siya sa sakyanan padulong sa presinto, gipusil niya ang tulo ka pulis nga nailang sila PCapt. Jose Edrohil Cimafranca – hepe sa Sibulan Police Station ug sila Senior Master Sgt. Tristan Chua ug Patrolman Rey Albert Temblor.
Human sa pagpamusil, misurender si Saycon sa Tanjay City Police Station pasado alas‑10:40 kagabii kinsa gikatakdang mag-atubang og criminal ingon man administrative charges.
