BUTUAN CITY – Gikumpirma sa Department of Justice (DOJ) nga pormal na nilang gisubmite sa korte ang kaso batok sa kontratistang si Sarah Discaya may kalabotan sa pagbayad sa buwis.
Sumala ni Justice Spokesperson Atty. Polo Martinez, kini human natino sa prosekusyon nga adunay igong basehan aron iduso isip kaso ang reklamong gi-atubang ni Discaya human nadetermina sa panel of prosecutors ang pagtumaw sa “prima facie evidence with certainty of conviction”.
Partikular niini ang upat (4) ka ihap sa kasong tax evasion tungod sa kapakyas niini pagbayad sa angay nga buwis alang sa taxable years 2020 ug 2021 kansa paglapas sa Sections 254 ug 255 sa National Internal Revenue Code sa nasod.
Sumala sa balaod, ang tinuyoang paglikay sa hustong pagbayad sa buhis ug ang kapakyas sa paghatag sa tinuod nga impormasyon mahitungod sa bayranan maoy gibasehan sa maong mga kaso.
