BUTUAN CITY – Gi-awhag ni kanhi Presidential Legal Counsel Salvador Panelo si kanhi Pangulong Rodrigo Duterte nga mudagan pagka-bise presidente sa 2028 ug mahimong running mate sa iyang anak nga si Vice President Sara Duterte.
Sigon ni Panelo, regular silang magka-istoryahanay sa kanhi pangulo ug usa siya sa nag-asdang sa Duterte-Duterte tandem sa 2028. Tambag usab niya sa kanhi pangulo nga mudagan unyang mayor tungod kay gikinahanglan siya sa Davao City ug sa tuig 2028, mudagan na siyang bise sa anak nga si VP Sara.
Gipaniguro niini nga kung mamugna na ang Duterte-Duterte tandem, mamalik na tanang mibiya kanila tungod kay pabilin silang kusog sa mga tawo dili lang sa Pilipinas kondili apil na sa mga overseas Filipino workers kon OFWs. Sigon ni Panelo, wala’y direktang tubag sa iyang suhestyon si Duterte apan gisultihan lang siya niining ipadayon ang adbokasiyang Duterte-Duterte.
