BUTUAN CITY – Magpahigayon ug committee hearing sunod semana ang hawanan sa Sanguniang Panlungsod ning siyudad sa Butuan may kalabutan na sa mibaniog nga kamatay sa mga pipila ka pato ug manok pangtari ning dakbayan atol sa Bird Flu outbreak sa kauluhan.
Sigon ni Konsehal Omar Andaya, Committe on Agriculture sa hawanan, ipatawag sa maong pagdungog ang taga- Department of Agriculture kon DA-Caraga ug City Veterinary Office aron coordinated ang himoong lakang sa paghupay sa kabalaka sa publiko.
Sa pakighinabi ning sibyahan, gitin-aw ni Konsehal Andaya nga luwas sa katawhang kunsumador ang produktong manok nga misulod sa Caraga tungod kay mi-agi kini sa makuting screening sa mga hingtungdang ahensiya.
Sumala pa sa konsehal, gilikayan usab sa mga kompanya nga magpagawas ug daot nga produkto kay makaguba man kini sa ilang negosyo.
Gawas pa kini sa inisyal nga gipagawas nga findings sa Regional Animal Disease Diagnostic Laboratorysa DA-Caraga nga kakulang sa oxygen ang hinungdan sa pagkamatay sa 15 ka mga pato sa may Barangay Holy Redeemer ning siyudad.
Bisan ug gipaabot pa ang resulta gikan sa kauluhan sa gihimung pag-eksamin sa mga manok, kasaligan matud pa ang inisyal nga findings sa DA-Caraga ilabina kay naka-red alert sila sa pagkakarun.
