-- ADVERTISEMENT --
BUTUAN CITY – Nakuha sa San Miguel Beermen ang kampyunato sa 49th Season Philippine Cup sa Philippine Basketball Association kon PBA human nila giselyuhan ang Game 6 batuk sa TNT Tropang 5G sa score nga 107-96 sa ilang dula sa Philsport Arena kagabii.
Ang 4-2 nga kada-ugan sa Beermen sa best of seven finals, mao na ang ilang ikapito nga Philippine Cup crown sa mi-aging 10 ka season ug kini usab ang ilang ika-30 nga PBA championship sa kasaysayan sa ilang prangkisa.
Mitala og tag-24 puntos sila June Mar Fajardo ug CJ Perez samtang napiling Finals Most Valuable Player si Jericho Cruz.
