-- ADVERTISEMENT --
BUTUAN CITY – Nag-panic na usab ang katawhan sa Surigao Del Norte human mitay-og na usab ang laing kusog nga linog kaganinang alas 8:08 sa buntag.
Base sa datus gikan sa Phivolcs-Surigao, ang 5.9 magnitude nga linog anaa sa 8 kilometros sa kasadpan sa San Francisco sakop sa maong probinsiya nga dunay kalawmong 7 kilometros ug Tectonic ang origin.
Ang maong pagtay-og nabati usab sa mga kasikbit nga probinsiya.
Sa pakighinabikang Surigao City Vice Mayor Alfonso Casurra, anaa na matud pa sa kadalana karun ang mga residente sa maong siyudad tungod sa kahadlok.
Sa kasamtangan padayon pang gisuta ang posibling damyos nga hatud sa maong linog ug lauman usab ang mga aftershocks.
-- ADVERTISEMENT --
