BUTUAN CITY – Hingpit nang nahimong balaud sa Thailand ang usa ka marriage equality bill human kini gipirmahan sa hari rason nga sila ang unang nasud sa South East Asia nga mirekognisa sa same-sex unions.
Nakalusot sa Senado ang maong balaudnon niadtong Hunyo apan nagkinahanglan kini og royal endorsement aron mahimong balaud ug karong napirmahan na sa hari, gipublisar na kini sa Royal Gazette ug mu-epekto kini sa Enero 22 sunod tuig.
Gidayeg sa mga aktibista ang maong lakang tungod kay makasaysayanon kini ug nagtimaan sa pagtapos na sa pila ka tuig nga pagpangampanya alang sa patas nga kaminyuon.
Ang bag-ong balaud maggamit og mga gender-neutral terms sama sa bana, asawa, lalaki ug babaye. Gawas pa, maghatag kini og katungod sa same-sex couples sa ilang adoption ug inheritance rights.
Mitimbaya usab sa kalipay sa LFBTQ+ community si Prime Minister Paetongtarn Shinawatra pinaagi sa iyang post sa X.
