BUTUAN CITY – Opisyal nang nahimong ginikanan sa unom ka magsoon ang same-sex couple sa Pennsylvania, USA.
Kini hauman gisagop nila Anderson McLean ug Rob Anderson McLean sa Pittsburgh sa unom ka managsoong sila Carlos 14-anyos, Guadalupe-13, Maria-12, Selena, 10, Nasa, 9, ug Max, 7-anyos.
Naggikan ang maong managsoon sa Ohio ug miabot og 1,640 ka adlaw sa foster care system.
Nasayrang 18 ka tuig nang nag-uban si Steve og Rob Anderson-McLean ug nahimong legal ang ilang kasal niadtong 2013 sa Maryland.
Unang gipadako sa same-sex couple sila Parker, 25 ug Noah, 21 apan wala sila nakuntento tungod kay gusto pa nilang magpadako og mas daghang bata.
Saysay pa sa duruha, nahimong inspirasyon nila ang natan-awan sa TV diin nagsagop ang magkarelasyon og mga bata rason nga gisugdan nila ang pagpangita og masagop nga mga bata sa United States sa mga batang nagkinahanglan og pamilya.
Ang managsoong sila Carlos, Guadalupe, Maria, Selena, Nasa ug Max, na-feature sa website sa Ohio state.
