BUTUAN CITY – Human sa sunod-sunod nga engkuwentro nga natigayon tali sa tropa sa 29th Infantry “Matatag” Battalion og kumunistang teroristang grupo, usa ka samaron nga New People’s Army kon NPA lider ang na-rescue human usab nga gi-abandona sa iyang mga kaubanan sa bukirang parte sa Brgy Bangonay, Jabonga, Agusan del Norte kagahapong adlawa.
Sa natigayong binakbakay tali sa kasundaluhan og sa Guerilla Front 16 ilalom sa pagdumala ni Rolando Leyson Jr alyas Kumander Edroy, Front Secretary sa GF16, miresulta kini sa pagka-diskubre sa ilang kampo.
Human nga nga naseguro ang perimeter sa gikuta sa rebelde, nakit-an sa mga sundalo ang samaron nga rebelde nga nagtago sa dakong bato.
Naila ang samaron nga rebelde nga si Elgelbert Bongaos alyas Cadong, Squad Leader sa Sentro De Grabidad, Guerilla Front 16, North Eastern Mindanao Regional Committee. Isip pagrespeto sa Comprehensive Agreement on Human Rights and International Humanitarian Law (CAHR-IHL) og paghatag og bili sa kinabuhi, ang samarong rebelde daling gitambalan og gidala sa pinakadool nga hospital sa medical team sa 29IB.
Nasayran nga ang maong rebelde nga si Bongaos nag-atubang og daghang mnga kaso tungod sa mga ngil-ngig nga kremin sama na lang sa multiple attempted murder, multiple attempted homicide, kidnapping, ug serious illegal detention, ug uban pang kaso nga gi-isyu sa korte sa Agusan del Norte.
Human nahatagan sa iyang katungod, si Bongaos gi-turned over ngadto sa Regional Intelligence Division 13 alang sa tukmang disposasyon.
Subay niini gidayeg ni Col. Jason M Saldua, Battalion Commander sa 29IB, ang gihimo sa iyang tropa nga pagpakita matud pa sa gustong magsurender kini dayung awhag nga motahan na sa sabakan sa balaod.
