BUTUAN CITY – Gikonsiderang usa ka dakong pagbalik sa showbiz ang subling pagsalida sa beteranang aktres nga si Hilda Koronel, human nga ang iyang pelikula nga Sisa midaug og Best Screenplay sa Fantasporto International Film Festival sa Portugal.
Gipahibalo ni direktor Jun Robles Lana ang maong award para sa iyang pelikula nga gibidahan ni Koronel, nga mibalik sa showbiz human sa 14 ka tuig nga pagpahulay.
Sumala sa social media post niini nga usa ka dakong dungog para sa team nga makita nga giila kini nga istorya sa usa ka internasyonal nga entablado, apan ang pinakahinungdanon nga bahin sa panaw mao ang pagdala sa maong kadaugan balik sa nasud.
Ang Sisa nga nahitabo sa katapusang mga tuig sa Philippine-American War, nagsunod sa istorya sa usa ka babaye nga nabuang o nalisoan sa saktong pangisip human siya nakasaksi sa usa ka brutal nga masaker.
Kini usab napili isip Official selection sa miaging tuig nga Tallinn Black Nights Film Festival sa Estonia, susamang festival diin gipasalida usab ni Lana ang iyang 2022 nga pelikula nga About Us But not about us.
Apil usab kini sa mga pelikula nga gipakita sa karung tuiga nga QCinema International Film festival.
Sa pagkakaron, ang Sisa gipasalida na sa mga sinehan sa Pilipinas.
