BUTUAN CITY – Mag-atubang og kasong act of lasciviousness ang tulo ka promo-disers sa usa ka mall ning syudad sa Butuan nga nasikop sa gipahigayong follow up investigation sa Butuan City Police Office.
Sa eksklusibong pakighinabi sa Bombo Radyo Butuan sa Biktimang si Meizty Manuop Tradio, 24 anyos, sales lady sa Gaisano Mall og residente sa Bgry. Bilay sakop ning dakbayan sa Butuan, gibutyag niining pursigido siyang mupasaka og kaso batok sa iyang mga ka-inom nga sila Gabriel Serrano ug laing 3 ka mga kaubanan niini.
Saysay pa sa biktima, nag inom sila ning nakalabay’ng kagabie isip pagselebrar sa birthday sa ilang katrabaho sa P3 Banana Village sa Brgy. Bancasi ning siyudad.
Siya na lang matod pa ang nabilin nga babae kauban ang 4 ka suspek hinungdan nga pasado ala-una sa kaadlawon dihang nananghid siya nga mopauli na apan nibalibad ang mga suspek dayong kasa-kasa ni Gabriel Serrano sa kalibre 45 nga pistola ug hagad nga mangatulog na silang lima sa usa ka kwarto.
Nakakita’g higayon ang biktima nga maka-ikyas human nagpasumangil nga kasukaon ug dinhi na siya mi-ikyas agi sa kasagbutan rason sa pagbaton niya og mga samad ug garas sa tiil ug uban pang parte sa lawas sa iyang pagtago-tago hangtod nga nakapangayo siya og tabang.
Sa pagkakaron gikustodiya na sa BCPO 3 ang tulo ka suspek kinsa gila-umang musugat saa bag-ong tuig sa karsel og gikatakdang kasuhan pinaagi sa inquest proceedings
