BUTUAN CITY – Gilusad karong adlawa, Abril 19, ang Salamat Kapatid program sa Police Regional Office kon PRO 13 sa pagpanguna ni PBGEN Kirby John Kraft, ang regional director sa Caraga Region Police.
Sumala sa tigpamaba sa Police Regional Office 13 nga si PMAJ Jennifer Ometer nga ginahimo ang maong paghatag og pasidungog ngadto sa mga Pulis sa rehiyon nga mohawa na sa serbisyo, kon mo retiro na. Dugang sa tigpamaba nga karon lamang nahimong aktibo ang maong programa tungod kay gihimo naman kini nga compulsory ni PRO 13 Regional Director PBGEN Kraft ngadto sa ilahang mga katrabaho nga moritero na sa ilahang katungdanan.
Tumong sa maong programa nga mapasidungan ang mga kapulisang mo retiro, tungod sa dili tiaw niini nga mga sakripisyo alang sa katawhang Pilipino, ilabi na ngadto sa mga Caraganons.
Karong adlawa, gihatagan sa maong pasidungog si PCAPT Abel Bulawan. Lauman usab nga mas daghan pa ang mahatagan sa maong pasidungog sa mga mosunod nga bulan, ilabi na nga dili matud pa pmaredict og si kinsa ang gusto moretiro na sa ilahang posisyon isip pulis.
Sumala ni PMAJ Ometer, dungan matud pa sa maong pasidungog mao ang pag-hubo sa mga moretire nga kapulisan sa ilahang badge kansa maoy pinaka importante ingon man pinaka dunay sentimental value alang sa mga kapulisan.
Alayon niini, gikabutyag usab sa maong opisyal nga dili mo pirma si PRO 13 Regional Director PBGEN Kraft sa mga moretiro sa ilahang serbisyo isip opsyon, ilabi na ilalum sa iyahang kadumalahan, tungod ug alang sa pag protektar niini sa morale sa mga kapulisan. Tumong niini nga malikayan ang pagkahitumpawak na hinoon sa mga moriterong pulis sa dili maayong sitwasyon sa kinabuhi, ilabi na nga tataw matud pa’ng dako kaayo ang deperensya sa mga makuha nga benipisyo sa mga opsyonal nga moretiro kon itandi sa mga mo ritero agi sa compulsory retirement.
