BUTUAN CITY – Gipahimangnuan sa mga pulis sa Wyoming ang mga residente, nga ang ilang mga balay maoy pun-on og mga Christmas decors ug Christmas lights ug dili ang ilang sakyanan.
Kini ang panawagan sa mga pulis human nila gi-intercept ang usa ka driver tungod kay gipuno man niya og dayan-dayan sa mga Christmas lights ang iyang Ford Mustang. Sigon sa Wyoming Highway Patrol, nasabtan nila ang kalipay nga gustong ipa-ambit sa mga tawo apan duna matud pa sila’y patakaran nga angayang sundon.
Kini mao ang pagbawal sa tanan nga magmaneho og sakyanan sa bisan asa nga highway nga butangan og lampara o kaha device nga duna’y kolor blue o kaha pula nga suga rason nga mas dakong bawal ang mga Christmas lights tungod sa kadaghan sa kolor niini ug gipuno pa gayod ang kinatibuk-ang sakyanan, hinungdan nga kini ilegal.
Hinuon igo ra gi-warningan ang wala panganling tag-iya niini apan kung mu-usab, dakpon na ug pamultahon base sa nakalatid sa balaud.
