BUTUAN CITY – Gipahinumduman sa Department of Labor and Employment (DOLE) ang mga employers sa saktong suhulan karong Ninoy Aquino Day nga gihandom matag-Agusto 21 apan ning tuiga, gisibog kini ni Pangulong Ferdinand Marcos Jr. sa Agosto-23, Biyernes subay sa holiday economic practice aron mapakusog ang domestic tourism.
Ilalom sa DOLE Advisory No. 9-A, nakalatid nga ang mga employees nga magtrabaho sa Biyernes, makadawat og dugang 30% nga sweldo.
Kung mag-overtime usab, makadawat gihapon kini og dugang 30% sa ilang hourly rate.
Kung natunong nga iyang rest day apan mutrabaho gihapon, dugangan og 50% ang iyang inadlaw nga suhulan plus 30% nga hourly rate kung mag-overtime.
Magpabilin usab ang ‘no work no pay’ principle alang sa mga dili mutrabaho sa maong adlaw.
