BUTUAN CITY – Nagpagawas ang Department of Labor and Employment (DOLE) og guidelines alang sa saktong pasweldo sa Adlaw sa mga Santos sa Nobyembre 1 ug Adlaw sa mga Patay sa Nobyembre 2 apil na sa Bonifacio day sa Nobyembre 30.
Sa advisory nga gipagawas sa DOLE, nagpahinumdom kini sa mga empleyado ug mga employers nga sa Nobyembre 1 ug 2 kansa special non-working holidays, ‘no work no pay’ kini apan ang mutrabaho sa maong mga adlaw, makadawat sila sa ilang regular nga inadlaw’ng suhulan ug duna’y dugang 30% para sa overtime work, gawas pa sa dugang 30% nga ilang madawat nga hourly rate.
Sa mga mutrabaho usab sa special holiday nga mataymingan nga ilang rest day, ang mga empleyado kinahanglang makadawat og dugang 50% sa ilang regular daily wage alang unang 8 oras ug dugang 30% sa ilang hourly rate alang sa overtime.
Samtang alang usab sa Bonifacio day nga usa ka regular holiday, makadawat ang empleyado sa ilang usa ka adlaw nga suhulan bisan og dili sila mutrabaho o kaha naka-leave with pay, basta mugrabaho lang sunod adlaw.
Ang mga empleyado usab nga magtrabaho sa regular holiday, makadawat og double pay ug dugang 30% sa ilang hourly rate alang sa overtime work.
Ang mga magtrabaho usab sa regular holiday nga ma-atol nga rest day, makadawat sila og double pay ug dugang 30% alang sa ilang overtime, gawas pa sa dugang 30% sa ilang hourly rate.
