BUTUAN CITY – Gikaon na sa lalaking nakapalit sa saging sa kantidad nga 5-million franc kon halos 333-milyunes pisos, rason nga posibleng matala na usab kini nga pinakamahal nga snack nga gikaon sa usa ka tawo.
Ang saging nga cavendish, gibaligya lang sa Manhattan St., sa New York City sa fruit seller nga si Shah Alam. Nahimo kining centrepiece sa usa ka art exhibit ni Italian artist Maurizio Cattelan, kinsa mipilit niini sa bongbong gamit ang duct tape ug gitawag kining ‘COMEDIAN’.
Napalit kini ni Justin Sun, usa ka lalaking natawo sa China ug nalambigit sa cryptocurrency ug human niya kini napalit, misaad siyang iya kining ka-unon ug mao gayo’y iyang gihimo. Sulod sa usa ka mahalon nga hotel sa Hong Kong uban sa daghang mga reporters nga nagpalibot kaniya, gikan ni Sun kapin 300-milyunes pisos nga saging dayong butyag nga mas lami kini kaysa ubang mga saging.
Nagtuo si Sun nga human niya nakaon ang conceptual art, mahimo na usab siyang kabahin sa works history. Ang tanan nga mitan-aw kaniya nga nagkaon sa mahalon kaayong saging, gihatagan usab og saging nga gibutangan og duct tape aron ang tanan, susama ang gikaon.
