BUTUAN CITY – Gipaniguro ni Senate President Francis “Chiz” Escudero nga luwas si suspended Bamban, Tarlac Mayor Alice Guo sa kustodiya sa Senado higayong musurender kaha madakpan kini sa Senate Sergeant-At-Arms.
Temporaryo unyang bilangguon si Guo ka-uban ang mga babaye niining kabanay.
Samtang ang mga lalaking resource persons nga duna usa’y arrest order, bilangguon usab sa pasilidad sa basement sa Senado.
Sigon ni Escudero, garantisado ang kaluwasan ni Guo tungod kay duol man ang detention room sa opisina sa Philippine National Police nga anaa sa sulod sa Senate compound.
Nagtuo usab ang Senate President nga dapat tugutan ang paggamit og gadget sa detention facility sa Senado.
Wala siya’y nakitang rason aron dili tugutan ang mga mabilanggo sa ilang detention facility nga dili mugamit og gadget ilabina nga dili matud pa sila mga drug lords nga mahimong ipdayon ang operasyon sulod sa maong pasilidad.
Alayon niini, iyang gimando ang pag-review karon sa detention rules sa taas nga ang-ang sa balay-balauranan.
