BUTUAN CITY- Gilusad sa mga operatiba sa National Bureau of Investigation (NBI) ang usa ka raid sa sabungan sa lungsod sa Tubay, Agusan del Norte batok sa giingong ilegal nga operasyon sa “talpakan” sulod sa cockpit arena sa may barangay Dona Rosario sakop sa maong lungsod, diin ilang naabtan ang nagpadayon nga sabong ug ang kumpletong setup nga posibleng gigamit usab sa “online sabong” nga pustahan.
Base sa inisyal nga report, target sa operasyon ang gi-ingong ilegal nga operasyon sa aktuwal nga “talpaka” sulod sa cockpit arena diin asa misamot misangpot ang opersayon sa daghang angol tungod sa dali nga pagsibat.
Gani mingresponde usab gilayon ang mga awtoridad ug gidala ang mga nasamdan ngadto sa Cabadbaran District Hospital aron matambalan ug mahatagan og hustong medikal nga pag-atiman, samtang adunay ubang indibidwal nga nadakpan sa maong operasyon.
Sa kasamtangan, padayon ang lawom nga imbestigasyon sa mga otoridad aron masuta ang tibuok lawak sa operasyon sa sabungan, lakip na ang posible nga koneksyon niini sa ilegal nga online sabong, ug aron maila ang ubang mga personalidad nga nalambigit sa maong kalihokan, samtang ginasusi usab kung adunay lapad nga network nga nagpadagan niini sa maong lugar.
