BUTUAN CITY – Subling tun-an sa mga labor groups sa Pilipinas ang sugyot nga kinahanglan nang tangtangon ang Regional Wages and Productivity Boards in the Philippines tungod kay dili matud pa pabor sa mga mamumuo sa nasod ang ilang mga gihimo.
Argumento sa uban, kinahanglan, na kining tangtangon tungod kay pabor lamang kini sa mga mamumuo nga nanarbaho sa National Capital Region.
Sumala ni Atty. Sonny Matula, national president sa Federation of Free Workers ug chairperson sa NAGKAISA Labor Coalition, duna karo’y mga proposals nga kinahanglang ibalik na sa national wage board ang suholan sa Pilipinas tungod kay discriminatory matud pa in nature ang mga regional wage boards.
Nasayrang dinhi sa Caraga Region, nagpabilin gihapong ubos ang inadlaw nga suholan sa mga mamumuo nga anaa lang sa ₱435, samtang ang Bangsamoro Autonomous Region in Muslim Mindanao kon BARMM, maoy duna’y pinaka-ubos nga suhulan nga anaa lamang sa ₱316 hangtod ₱361 kada adlaw.
Sigon ni Matula, kinahanglang tagaan og prayoridad ang pag-usab sa wage structure aron mapadayon ang desenteng living condition sa mga mamumuo ug masiguro nga dili sila maglisod sa inadlaw-adlaw’ng panginahanglan.
Ang pamahayag ni Sonny Matula, ang national president sa Federation of Free Workers ug chairperson sa NAGKAISA Labor Coalition.
