Russia ug Ukraine nagpahigayon og peace talk sa Istanbul human sa usa ka gabii nga mga pag-atake

Nagpadayon karon sa Istanbul ang ikaduhang hugna sa peace talks tali sa Russia ug Ukraine, bisan pa sa nagpadayon nga bayolente nga panagsangka sa duha ka nasud.

Niadtong Domingo, mitira ang Ukraine og 117 ka drone ngadto sa mga base militar sa sulod sa Russia, nga nakaguba og labing menos 13 ka eroplano pang-gubat, sumala sa mga opisyal sa Kyiv.

Ang maong operasyon gihulagway ni President Volodymyr Zelensky isip usa ka “brilliant result” o talagsaong kalampusan. Gisundan kini sa dako nga aerial attack nga gihimo sa Moscow batok sa Ukraine sa miaging gabii.

Wala pa magpagula og klarong kondisyon ang Russia alang sa bag-ong panagtagbo, ug gamay ra ang gilauman nga adunay dakong kalamboan sa negosasyon, subay sa report ni Hugo Bachega.