BUTUAN CITY – Nagbayluay ang Russia ug Ukraine og 206 ka mga prisoners of war subay sa usa ka kasabutan nga gi-broker sa United Arab Emirates (UAE). Sigon sa ministry of defence sa Russia, 103 sa gibuhian nila nga mga servicemen mao kadtong nadakpan atol sa pagsulod sa Ukrainian forces sa Kursk Region.
Madumdumang ning mi-aging buwan, naglusad ang Ukrainian forces og surprise attack sa kinatibuk-ang Russian border, pa-abante hangtud ngadto sa 30-kilometros pasulod sa Kursk region.
Samtang gipadayag ni Ukrainian President Volodymyr Zelensky nga apil sa gibuhiang mga Ukrainians, ang 82 ka mga privates ug sergeants ug 21 ka mga opisyal gikan sa ilang armadong kusog, national guard, border guards, ug mga pulis.
Nasikop sila samtang gidepensahan ang mga rehiyon sa Kyiv, Donetsk, Mariupol, Azovstal, Luhansk, Zaporizhzhia, ug Kharkiv.
Samtang gipadayag usab sa Russia nga ang ilang mga sundalong gibuhian atua sa Belarus ug hatagan na sa gikinahanglan nilang psychological ug medical assistance” ug gipa-contact una sa ilang mga kabanay adiser ang ilang pagbalik sa Russia.
