BUTUAN CITY – Gibasol sa Russia ang US dayung saad sa sangputanan human ang gihimong Ukrainian missile strike sa Sevastopol nga anaa sa occupied Crimea nga mipatay sa upat katawo lakip na niini ang duha ka bata.
Muabot usab sa 150 ang na-angol sa maong pag-atake diin ang tipaka sa missile nahulog dool sa baybayon.
Sigon sa defence ministry sa Russia nga ang gigamit nga missiles sa Ukraine mao ang suplay nga gihatag sa US nga gi-programmed sa US specialists.
Gitawag ni Kremlin spokesperson Dmitry Peskov ang pag-atake nga salbahis og giakusahan ang US nga mipatay sa mga batang Ruso.
Gitudlo pa niini ang nahimong komento ni President Vladimir Putin, nga misaad nga himoong target ang mga nasud nga nag-supply og armas sa Ukraine.
Sumala sa Moscow nga ang mga namatay og nasamdan tungod sa pagkatagak sa mga tipaka human nga ang ilang air defences sa Crimea na-intercept ang 5 ka missiles nga gitira sa Ukrainian forces.
