BUTUAN CITY – Nakakustodiya na sa Balabagan Police Station sa Balabagan, Lanao del Sur ang Grade 11 student nga mipusil-patay sa usa ka magtutudlo sa Balabagan Trade School sa maong lugar.
Subay sa report, naila ang biktima mao si Danilo Barba, 34-anyos. Samtang giila lamang usab ang suspek nga si alyas “Kaizer”, estudyante sa maong biktima.
Sigon sa kapulisan sa Balabagan Police, kasuko matud pa ang motibo sa suspek human kini nabagsak sa subject sa biktima.
Sayrang sa ulo gitiro ang biktima gamit ang kalibre 45 nga pistola rason sa hinanali niining kamatayon.
Nahitabo ang maong insidente bandang alas 8 ang takna sa buntag dihang musulod na unta sa eskwelahan ang magtutudlo.
Ningsulay pa pag-ikyas ang suspek human sa krimen,ug mitago sa iyang mga kapamilya sa lungsod sa Morogong.
Apan sa tabang sa iyang igsoon nga usa ka pulis, hapsay kining mitahan sa mga otoridad.
Giangkon sa suspek nga sa iyang magtutudlo nga si Barba ra siya nasuko.
Tungod sa hitabo nabalaka ang tibook komonidad nga masundog ang gihimo sa ilang estudyante nga pwede ikamatay sa mga magtutudlo.
Gipahugtan na ang seguridad sa apektadong tunghaan.
