BUTUAN CITY – Nakadesisyon ang Senado nga ibalik sa House of Representatives ang impeachment complaint batok kang Vice President Sara Duterte atul sa plenary session kagabii pinaagi sa boto nga 18-ka pabor, lima ka supak 5 ug walay mi-abstain.
Nagsumikad kini sa mosyon ni Senator-judge Ronald ‘Bato’ dela Rosa nga i-dismiss ang impeachment trial batok sa Bise Presidente, apan gikurihian kini ni Senator-judge Alan Peter Cayetano.
Subay sa mosyon nga gipalusot ni Cayetano, kansa mao ang gibutaran sa 18 ka mga Senador, ibalik ang nasangpit nga complaint sa ubos balay-balaoranan, arun kumpermahon sa mga kongresista ang dugay nang pangutana nga nakalapas kini sa Konstitusyon dayong klaro nga wala nagpasabot nga ma-dismiss o ma-terminate na, ang maong kaso.
Sigon ni Cayetano, kinahanglang pamatud-an una sa House of Representatives nga dili supak sa Konstitusyon ang maong complaint, partikular ang probisyon nga kinahanglang wala’y impeachment complaint nga ipasaka batok sa usa ka opisyal nga himoon sulod sa usa ka tuig.
Ang pamahayag ni Senador Alan Peter Cayetano.
Supak sa maong mosyon sila Senator-judges Koko Pimentel, Risa Hontiveros, Nancy Binay, Grace Poe ug Sen. Sherwin Gatchalian. Sigon nila Senadora Risa Hontiveros ug Koko Pimentel, delikado, ang gigamit nga mga pulong sa maong mosyon, ilabina ang return kon remand, kansa mamahimong gamiton sa pag-delay ug pag-dismiss matud pa sa kaso batok sa bise Presidente.
Ang pamahayag ni Senador Risa Hontiveros.
Apan paniguro ni Senate President Chiz Escudero, dilimatud pa pasabot nga buot sa Senado nga i-dismiss ang maong kaso batok sa bise Presidente.
Ang pamahayag ni Senate President Chiz Escudero.
