BUTUAN CITY – Nakatala na og 83 ka mga pamilya kon 326 ka mga indibdiwal nga namakwit ang lungsod sa Remedios T. Romualdez kon RTR, Agusan del Norte tungod sa bagyong Auring.
As of kaganinang hapon, ang Brgy. Humilog duna na’y mihikling nga 23 ka mga pamilya kon 84 ka mga indibidwal nga anaa sa Humilog multi-purpose hall; usa ka pamilya usab nga kon 7 ka mga indibidwal ang anaa sa Brgy. Balang-Balang Multi-Purpose Hall; 51 ka mga pamilya usab kon 2 ka mga indibidwal ang namakwit sa Brgy. Panaytayon samtang 8 ka pamilya ang gikan sa Brgy. 1 nga gilangkuban sa 21 ka mga indibidwal.
Wala’y hunong sa ilang tahas ang mga sakop sa Municipal DRRMC sa lungsod sa RTR, Agusan del Norte ilabina ang pag-monitor sa level sa tubig diha sa kasubaan sa ingon madali ang paghikling sa mga residente anaa nagpuyo kilid sa river bank apil na kadtong anaa kilid o kaha sa tiilan sa bukid o bungtod nga prone sa landsides.
Sa eksklusibong pakighinabi sa Bombo Radyo Butuan, gipadayag ni MDRRMO chief Erlando Arapan, napuno na kagahapon ang ilang mga evacuation centers rason nga ilang gibuksan ang ilang municipal gym aron maoy butangan sa mga bag-ong mamakwit higayong mapuno na ang mga barangay multi-purpose hall.
