BUTUAN CITY –Nanghinaut si Philippine National Police kon PNP Chief Director General Nicolas Torre III nga mahinayon na ang ilang boxing match ni Davao City Vice Mayor Baste Duterte nga gi-atangan na sa tanang Filipino. Kini human nagtakda og mga kondisyon si Baste alang sa paghinayon sa ilang away pinaagi sa pagpa-ilalom sa hair follicle test ni Pangulong Ferdinand ‘Bongbong’ Marcos Jr ug tanang mga elected officials.
Sigon sa heneral, mutunga siya sa Rizal Memorial Coliseum karong Dominggo, mutunga man o dili si Duterte. Bisan og hinay na siya tungod sa iyang pangidaron, andam matud pa niya kining tungahon aron malingaw ang katawhang Filipino ug aron makakuha og pundo nga ihatag matud pa ngadto sa mga nabiktima sa daut nga panahong mi-igo karon sa nasud.
Si PNP Chief General Nicolas Torre III.
Sa pikas bahin, andam si Senador Ping Lacson nga ipalit og tiket ang iyang usa ka buwan nga pensiyon isip retiradong four-star police general, ugaling mahinayon ang away nila ni PNP Chief General Nicolas Torre ug Davao City Vice Mayor Baste Duterte.
Sumala ni Lacson, taliwala pa man nga dili kini ang pinakamaayong lakang, personal matud pa kini nga desisyon ni Torre—dili isip hepe sa nasudnong kapolisan, kondili isip usa ka pribadong indibidwal nga mibati og insulto tungod sa mga hagit atubangan sa publiko ni Bise Mayor Duterte.
Alang sa senador, husto man o sayop, angayan matud pa gihapong respituhon ang desisyon ni Torre. Suaby niini, wala ming saad ng Senador nga motan-aw kini sa maong away.
Alayon niini, ningsaad usab si Presidential Adviser for Poverty Alleviation Larry Gadon nga mahimong referee sa nasangpit nga charity boxing match. Sumala niini nga nabalaka matud pa siya sa dangatan ni Vice Mayor Duterte, ilabi na nga astig matud pa si General Torre, ug duna pa kini gina inom nga energy drink nga kape.
Dugang pa niini, dili matud pa siya gustong dunay seryosong masakitan sa maong duna, tungod kay sports game lamang kini, dayong butyag nga nagtuo matud pa siyang maayo ang tumong sa maong away.
Ang pamahayag ni Presidential Adviser for Poverty Alleviation Larry Gadon.
