BUTUAN CITY – Kamulo nang gihimo ang final investigation report sa mga otoridad mahitungod sa namatyang duha ka mga empleyado sa pangamhanan, kansa usa ka pulis ug usa ka job order sa Land Transportation Office kon LTO sa natigayong pinusilay kaganinang alas-3:35 sa kaadlawon sa Brgy Sta. Cruz, lungsod sa San Jose, lalawigan sa Dinagat Islands.
Sumala ni PCPAT. Calvin Palcer Jr., Officer In Charge sa San Jose Municipal Police Station nga Nagpahigayon matud pa g surveillance operation ang operatiba sa Criminal Investigation and Detection Group – Dinagat Islands Provincial Field Unit kon CIDG-DIPFU batok sa suspetsadong si Anjun Casador, residente sa Purok 1, Barangay Sta. Cruz, San Jose, Dinagat Islands, usa ka job order employee sa lokal nga kagamhanan sa maong lungsod ug na-detail sa LTO-Dinagat Islands tungod sa kalambigitan niini sa ilegal nga mga kalihokan.
Pag-abot matud pa sa mga operatiba sa rgy Sta. Cruz, lungsod sa San Jose, lalawigan sa Dinagat Islands, kalit nga ningbunot og armas si Casador ug gipusil sa ulo si Jaso nga mingresulta sa hinanaling kamatayon.
Dinhi na mibalos og pusil ang ka-uban sa pulis nga si Patrolman Leonel Estroso, 31 anyos, minyo ug miyembro usab sa CIDG-DIPFU nga taga-Silang, Cavite. Saysay ni PCAPT. Placer, bag-ohay langna assign si Estroso sa maong lugar, rason nga wala kini nailhan isip Police, ug wala apila og pusil ni Casador.
Pito ka higayong gipusil ni Estroso si Casador, kansa ningresulta usab sa hinanali niining kamatayon.
Dugang pa ni PCAPT Placer nga dugay nang gipanid-an sa mga kapulisan si Casador tungod kay kanunay man kining mag dala og armas matag dunay lakaw.
