BUTUAN CITY – Ang kawala’y nakab-ot nga kasabutan alang sa pagtapos sa giyera sa Ukraine tali sa panagtagbo nila United States President Donald Trump ug Russian President Vladimir Putin, nagpakita lang nga midaog ang Russia, sa ilang baruganan.
Kini ang pamahayag ni international law expert ug Bombo international correspondent in America nga si Atty. James Reserva.
Gibutyag ni Atty Reserva nga kini tungod sa ka-klaro nga malabo nga mahatag sa Amerika ug ka-alyado niining mga nasud sa Urupa, ang mga demands ni Putin, rason sa kawala usa’y nakab-ot nga kasabutan alang sa ceasefire ilabina alang sa pagtapos na sa giyera sa Russia ngadto sa Ukraine.
Kinahanglan usab nga dawaton sa America ug sa bisan unsang nasod sa kalibutan nga dili na sama kaniadto ang political landscape sa kalibutan ug lahi na ang dagan karon sa politika, ug dili na kini dominado sa Estados Unidos sama kaniadto.
Alayon niini, kinahanglan matud pang maglikay na lang ang Pilipinas kung unsa man ang bangi tali sa mga nasod arun dili kita ma-sandwich o kaha, matamakan pa sa mga dagkong nasod.
Sumala ni Reserva, kinahanglang kuhaan og panag-ingnan sa Pilipinas ang Ukraine nga halos wala nay nadawdaw tungod sa pagsunod niini sa mga gusto sa Western countries, ilabina sa America.
Kinahanglan usab nga sundugon sa Pilipinas ang posturing sa ubang mga nasod sa Southeast Asia diin wala kini nagsalig sa mga Western allies.
