BUTUAN CITY – Mihimo karon og kasaba ang manifestation ni Senador Erwin Tulfo kaganinang hapon nga usaha’y, kinahanglang tu-ison ang balaud sa ngalan sa hustisya, ilabina kung hisgutan ang context sa imbestigasyon sa kurapsyon.
Ang diskusyon naglibot sa Witness Protection Program (WPP) ug kung kinahanglan ba nga mag-restitute o isuli ang kwarta nga giingong nakawat bisan wala pa’y final conviction.
Nakurat ang tanang misaksi sa Senate Blue Ribbon Committee hearing kaganina dihang gipadayag sa senador nga ang mga saksi sma sa magti-ayong Curlee ug Sara Discaya kinsa maoy mibulgar sa ghost flood control projects, kinahanglang i-uli una ang gikawat nilang kwarta adiser hatagan og proteksyon ubos sa Witness Protection Program (WPP).
Bisan og wala nakalatid sa balaud ang pag-require sa restitution, gipamugos ni Tulfo nga sa hisgutanang moral, kini matud pa ang angaytang buhaton hinungdan nga gibaraw siya ni Senador Robin Padilla, kinsa nagbutyag nga ang pagtu-is sa balaud alang sa hustisya, usa ka delikadong precedent tungod kay kinahanglang istriktong sundon ang balaud aron dili mawad-an og kredibilidad ang sistema.
Gipamugos pa ni Tulfo nga ang kagustuhan sa katawhan ug ang moralidad dapat mas labaw pa sa teknikalidad sa balaod dayong hatag og ehemplo sa singgit sa katawhan sa Luneta atol sa raly nga angayang paminawon sa gobyerno ang singgit sa katawhan nga i-uli ang kwarta na gikawat gikan sa panudlanan sa kagamhanan.
Sigon ni Senador Robin Padilla, supak siya sa ideya nga tu-ison ang balaod sa rasong ang legal nga proseso dapat sundon aron malikayan ang abuso.
