BUTUAN CITY – Gikalipay sa mga residente ning dakbayan sa Butuan ilabina sa Barangay Raja Soliman ang karaang mga libro nga anaa sa reading center diin makita usab ang ubang karaang gamit nga nagpakita sa kasaysayan og kultura sa dakbayan, kansa gi-donate sa mga iladong pamilya sa syudad.
Makita sa reading center ang lingkuranan gikan sa Consuelo Theater ang pinaka-unang sinehan sa Butuan, lingkuranan gikan sa ancestral house ni Congressman Marcos Calo, ug Governor Consuelo Calo ug uban pa, sama sa typewriter, radyo, lampara, alho ug lusong nga naghatag og hulagway sa karaang mga Butuans.
Sigon ni Kapitan Rouel Conde, makita usab sa reading center ang special corner nga gitawag og ‘Mga garbong Hong Barangay Raja Solaiman’ diin anaa ang hulagway sa mga karaang politiko ug iladong personalidad nag nagpuyo ug nigikan mismo sa maong barangay.
Libreng magamit sa mga residente ang maong reading center alang sa mga meetings, school activities, free printing services ug paghulam sa mga libro ug aron dili madaot ug mapreserba pa ang mga koleksyon, adunay gi -lokar nga pondo alang sa maintenance niini.
