BOMBO BUTUAN – Gisang-at sa abogado ni kanhi Presidente Rodrigo Duterte ang urgent request sa International Criminal Court (ICC) alang sa interim release sa undisclosed country kansang pangalan gitang-tang sa nasangpit nga dokumento.
Subay sa 16 ka palid nga papeles nga gisang-at ni Nicholas Kaufman, ang counsel ni Duterte, nga ningtugot na matud pa ang maong wala pa panganli nga nasod sa pagsagop kang Duterte.
Sayrang wala gisupak sa ICC prosecution ang maong request, basta lang kay masunod ang mga kondisyon nga anaa sa nasangpit nga request.
Argumento pa ni Kaufman, dili risgo si Duterte sa mga flights padulong sa laing nasod, dugang niini nga dili usab niini ma-butang sa delikado ang imbistigasyon sa kaso niini subay na usab sa Article 58(1) of the Rome Statute as legal basis.
