BUTUAN CITY – Duda na ang pipila ka mga kongresista kang Senate President Francis Escudero human niini gi-atras ang pagsugod sa impeachment proceedings batok kang Vice President Sara Duterte.
Akusasyon sa Makabayan Bloc, duna matud pay giprotektahan si Senador Escudero nga dali usab nga ginegar sa senador dayong butyag nga pa-on lamang alang kanilang mga Senador ang maong mga akusasyon. Kahibaloang gikwestyon ni Akbayan party-list Representative Perci Cendaña ang integridad sa pag-atras sa Senate President sa impeachment proceedings batok kang Vice President Duterte.
Sigon ni ACT Teachers Partylist Representative France Castro, dili matud pa ikalimod nga nangandam na ang ubang mga Senador alang sa ilang posiyon nga daganan karong 2028. Panawagan pa niini kang Senador Escudero, dili na niini ilimod pa nga duna siyay giprotektahan rason sa atrasadong pagtaral kang VP Sara.
Ang pamahayag ni ACT Teachers Partylist Representative Fance Castro.
Gibasul usab sa ubang mga kongresista si Pangulong Ferdinand Bongbong Marcos Jr. sa pagkalangan sa pagtaral, diin subay ni Kabataan Representative Raoul Manuel, daw nahadlok usab ang presidente sa maong lakang tungod sa posibiidad nga ma-ukay usab ang iyang mga isyu.
Subay niini, gi-alegahan usab ni Akbayan party-list Representative Perci Cendaña si Escudero nga nahadlok sa Bise Presidente, o di ba kaha, giprotekatahan kini sa Senador.
Ang pamahayag ni Representative Cendaña. Tubag ni Escudero, wala matud pa silay gikahadlokan o giprotektahan, gihimo lamang nila ang ilang trabaho subay sa balaod.
Gisumbalik usab niya ang akusasyon sa mga gusto nang mataral ang bise presidente pinaagi sa pagbutyag nga mahimo usab niyang iprotesta ang paglangan-langan sa lower house sa pagpasa sa Articles of Impeachment kansa upat ka bulan matud pa nilang gilangan-langan unya sila na ang gi-pressure karon aron kini dali-dalion.
Ang pamahayag ni Senate President Chiz Escudero.
