BUTUAN CITY – Nakatutok karon ang Marcos administration sa pag-upgrade sa imprastraktura ug himuong moderno ang mga airports aron mapakusgan pa ang connectivity ug ejonomiya sa nasud.
Gi-awhag ni Pangulong Ferdinand Marcos Jr ang private sector nga ipadayon ang pakigtinabangay sa nasudnong kagamhanan aron pakusgon ang kakapas nga makigkompetensya ang Pilipinas ug mahimong abli og mas daghang mga oportunidad alang sa mga Pilipino.
Apil sa i-upgrade sa gobyerno ang bag-ong passenger terminal sa Siargao Airport, passenger terminal sa Davao International Airport apil na sa Laguindingan Airport, Panglao, Bohol ug Caticlan.
Ipa-modernize usab sa pangulo ang Ninoy Aquino International Airport kon NAIA pinaagi sa Private-Public Partnership apil ang mga bag-ong pasilidad.
