BUTUAN CITY – Gitangtang na sa Constitutional Court sa Thailand si suspended Prime Minister Paetongtarn Shinawatra tungod sa paghimo og lakang nga naghatag og kagubot sa ilang pulitika ug paghatag og dakong tamparos sa ilang gamhanang political dynasty.
Gi-dismiss si Paetongtarn Shinawatra tungod sa paglapas sa ethics dihang mi-leak ang iyang tawag sa telepono niadtong Hunyo kondiin nadunggan siya nga mitawag sa kanhi lider sa Cambodia nga si Hun Sen nga gitawag niya’g “uncle” dayong saway sa Thai army, taliwa sa nagkakusog nga border tensions nila tali sa Cambodia.
Ang tawag nga gibulabog mismo ni Hun Sen, midamyos sa iyang repoutasyon kondiin gi-akusahan siya sa mga kritiko nga nagbutang sa alanganin sa ilang kasundaluhan.
Tungod sa maong ruling, si Paetongtarn, nga anak ni kanhi PM Thaksin Shinawatra, mao na ang ikalimang prime minister nga gitangtang sa katungdanan sukad niadtong tuig 2008.
Kaganina sa siyam ka mga huwis sa korte, unom ang mibotar batuk kang Paetongtarn, tungod kay ang iyang lakang nakalapas matud pa sa ethical standards nga gila-uman sa iyang buhatan.
Sigon sa korte, gikuptan ni Paetongtarn ang “personal relationship” nga daw mipabor sa Cambodia dayong dismiss sa iyang mga claims nga personal ang iyang tuyo aron mabalik na ang kalinaw sa duha ka nasud nga dili na mugamit og kagubot.
Sa usa ka mubo lang nga press conference, gi-ila ni Paetongtarn ang desisyon sa korte dayong butyag nga gisulayan lang niya ang pagluwas sa daghang kinabuhi.
Ang iyang tawag kang Hun Sen natigayon samtang nagka-init ang tensyon sa Thai-Cambodia border, nga paglabay sa pipila ka semana, mi-ulbo ngadto sa lima ka adlaw nga kagubot kondiin ubay-ubay nga mga tawo ang nakalas samtang libuan usab ang mikagiw gikan sa ilang pinuy-anan.
Misikat ang 39-anyos nga Paetongtarn, human ang kalit nga pag-dismiss sa iyang gihulipan nga si Srettha Thavisin nga gihimo sa susamang korte ning mi-aging tuig.
Mi-abin siya sa Pheu Thai niadtong tuig 2021 ug nahimong lider sa Thailand sa tuig 2023.
Ang muhulip kaniya pilion sa parliamento, kondiin ang iyang ruling Pheu Thai party duna lama’y gamay nga majority human nga ang usa ka coalition partner mibiya na sa iyang kagamhanan.
