BUTUAN CITY – Gikwestyon ni Senador Rodante Marcoleta ang kakapas ni Batangas 1st District Rep Leandro Leviste aron ipasabot ang unod sa kontrobersyal nga Cabral files subay sa imbestigasyon sa Senado sa mga anumalusong flood control projects.
Sigon ni Marcoleta, wala’y personality si Leviste aron mutestigo kalabot sa substance sa mga dokumento tungod kay dili siya kabahon sa Department of Public Works and Highways kon DPWH ug wala’y kalabutan sa pag-andam sa mga reports ilabina ang consolidation sa mga records o mga dokumentong duna’y kalambigitan sa budget.
Gipamugos sa senador nga limitado lang ang mga testimoniya ni Leviste diha lang sa paagi pagkuha niya sa mga dokumentong gikan matud pa sa buhatan ni late DPWH Undersecretary Ma Catalina Cabral. Gikan matud pa sa legal point of view, dili matud pa angayan nga si Leviste ang magpasabot sa unod sa mga files.
Gipadayag kini sa senador human usab gipadayag ni committee chairman Panfilo Lacson ngadto kang Leviste nga hisgutan ang ikaduhang batch sa mga dokumentong na-authenticate na sa ahensya.
