BUTUAN CITY – Gikumpirma sa Armed Forces of the Philippines (AFP) nga magpatuman sila og adjustment sa ilang himuong rotation and resupply kon RORE mission sa BRP Sierra Madre sa Ayungin Shoal sa West Philippine Sea (WPS) human ang insidente niadtong Hunyo 17 kondiin nagpakita og iligal ug agresibong akiyon ang China Coast Guard kon CCG.
Sigon ni AFP Spokesperson Colonel Francel Margareth Padilla, tumong niini nga malikayan na ang susamang insidente.
Duna na sila’y contingency measures ug hugot nang gitun-an ang mga himuon aron mulampos ang RORE mission.
Nakig-alayon na usab sila sa Philippine Coast Guard ug Bureau of Fisheries and Aquatic Resources alang sa padayong maritime patrols sa ingon maprotektahan ang mga mangingisdang Pinoy.
Una nang gipadayag ni AFP Chief of Staff Gen. Romeo Brawner nga ilang ipadayon ang rotation and reprovision of supplies sa BRP Sierra Madre tungod sa naka-station nga mga personnel apil sa uban pang mga features nga sakop sa exclusive economic zone sa Pilipinas.
Nagdumili si Brawner pagdetalye sa mga paagi nga ilang himuon aron mahatud ang mga supplies sa BRP Sierra Madre.
Padayong gibarugan sa AFP nga ang presensiya sa China sa West Philippine Sea, ilegal.
