BUTUAN CITY – Pugngan sa gobyerno sa Pilipinas ang gihaon nga asylum request ni kanhi Presidential Spokesperson Atty. Harry Roque sa The Netherlands.
Sumala pa sa Department of Justice , maglisod na si Roque sa request nining pagpasilong sa maong nasod ugaling mapagawas na ang arrest warrant niini alang sa kasong human trafficking.
Una nang gisang-at sa DOJ sa Angeles City Regional Trial Court ang kasong non-bailable qualified human trafficking ingon man regular human trafficking case laban kang Roque kagahapong adlawa, Abril 29.
Lakip sa mga gipasakahan og kaso si Cassandra Lie Ong ug uban pang mga indibidwal.
Argumento sa DOJ, duna matud pay partisipasyon si Roque sa Whirlwind Corporation isip abugado niini, ug representative pa kini sa Lucky South 99.
Kahinumdumang gi-raid ang kini sa POGO hub sa Porac, Pampanga tungod sa ilegal nga operasyon niini ug may kalambigitan usab sa human trafficking.
Kahinumdumang niadtung Desyembre sa nakalabayng tuig, naghaon si Roque og counter-affidavit ug gikatahong dili matud pa siya abogado sa Lucky South 99.
