BUTUAN CITY – Natugyan na ngadto sa ilang mga kabanay ang siyam sa 11 ka mga patay’ng lawas nga narekober gikan sa nagpadayong search operations human na-unlod ang M/V Trisha Kerstin 3 sa kadagatan sa Basilan.
Sumala sa Basilan Provincial Disaster Risk Reduction and Management Office (PDRRMO), upat sa mga patay’ng lawas gidala na sa Sulu, samtang lima ang gidala sa lain-laing destinasyon uban sa tabang sa Philippine Coast Guard (PCG) samtang duha pa ang wala pa makuha sa ilang mga pamilya.
Nagpa-abot na usab sa ilang pahasubo ang PCG ngadto sa mga na-ilong pamilya sa mga namatay.
Madumdumang niadtong Huwebes, misaka na sa 29 ang ihap sa mga namatay sa insidente human marekober ang laing 11 ka patay’ng sa nagpadayon nga search and retrieval operations.
Tungod niini, nanawagan og hustisya ang mga pamilya sa mga nawawalang pasahero ug nangayo og mas halapad nga rescue operations. .
