BUTUAN CITY – Gikumpirma ni Butuan City District Engr Jose Caesar Radaza nga miduol sa ilang buhatan ang contractor sa ilang portion sa Dankias-Danapa road concreting project – ang kontrobersyal nga proyektong nahugno, usa ka buwan human gi-turn over.
Una nang giklaro sa opisyal sa eksklusibong pakighinabi sa Bombo Radyo Butuan, nga ang gi-post nga mga detalye sa Philippine Anti-Corruption Czar (zar) kon PACC, ilang proyekto apan dili mao ang mga hulagway niini sama sa nakankan ug nangabu-ak nga sementadong dalan.
Gipasabot niining sayop technically ang maong post tungod kay dili sila ang nagpatuman sa nahugnong proyekto kondili ang Department of Public Works and Highways kon DPWH-Caraga.
Giklaro usab niini nga ang maong proyekto, duna’y duha ka contractors kondiin ang ila nga duna’y span na 200-metros natapos na.
Na-angin lang matud pa kini tungod kay ang ila mang billboard sa maong proyekto ang nagpabilin sa maong lugar samtang ang sa kasikbit nila, posibleng nahugno usab uban sa nakankan nga dalan rason nga ang ila maoy nakuhaan og hulagway. Hinuon ang nahugno nga portion sa dalan, gisugdan na usab pag-repair sa contractor niini.
Sigon ni Engr Radaza, na-isyuhan nila og certificate ang ROIM Builders & Construction Supply nga magpamatuod nga wala’y damyos sa ilang proyekto.
Samtang sa himuon usab nga imbestigasyon sa PACC, gipadayag sa opisyal nga andam silang tubagon ang tanang pangutana.
Mi-apela usab siya sa tanan nga adiser mag-post sa social media, unta kuhaon una ang ilang side aron masayran ang kamatu-uran sa ingon dili mahimong bias ilabina sa init nga mga mata sa katawhan ug sa mga netizens.
