BUTUAN CITY – Nagpa-thanksgiving dinner si kanhi Presidential spokesperson Atty. Harry Roque ka-uban ang mga kababayang Pinoy sa The Hague, Netherlands, samtang nagpadayon ang mga legal controversies nga nagpalibot kaniya.
Ang maong panagtigom, nakita nga paagi ni Roque pagpakig-uban sa mga kababayan nga atua sa abroad kondiin nagsawo sila sa mga pagkaon ug ilimnonh gibayang sa lamisa.
Madumdumang gihangyo na sa kagamhanan sa Pilipinas ang International Criminal Police Organization kon Interpol pag-isyu og red notice aron maaresto si Roque nga nag-atubang og kasong qualified trafficking in persons. Ning mi-aing adlaw lang, gilimod niini ang mikaylap nga impormasyong gidakop matud pa siya sa mga Dutch authorities.
Sa iyang pagpamulong atubangan sa nanambong nga mga kababayang Pinoy, gipadayag ni Roque nga paagi niya sa iyang pagpasalamat sa Kahitas-an sa padayong pagprotekta kaniya taliwa sa mga pagpamig-ot nga gihimo sa nasudnong kagamhanan ngadto kaniya.
Gipasalamatan usab niya ang namugna nga panaghigalaay nila sa maong nasud tungod sa pakigbisog alang sa katarungan.
