BUTUAN CITY -Wala’y personal nga kasayuran si Pangulong Ferdinand Marcos Jr. kalabot sa mga akusasyon nga gipangbulgar ni Ramil Madriaga, nga gikan matud pa sa Philippine Offshore Gaming Operators kon POGO ug drug money ang campaign funds ni Vice President Sara Duterte niadtong 2022 national elections.
Kini ang nahimong pagklaro sa Malakanyang dungan sa pagsumite ni Madriaga sa iyang gipanumpaang pamahayag sa Office of the Ombudsman, kalabot sa maong alegasyon. Sumala ni Palace Press Officer USec. Claire Castro, wala matud pa’y ma-istorya ang presidente kalabot sa maong isyu tungod kay wala kini direktang kasayuran kalabot sa posibleng transaksyon sa Bise Presidente sa POGO o sa gika-ingong mga drug lords.
Samtang sa posibilidad usab sa laing impeachment case nga ipasaka batuk sa besi presidente, gipadayag ni Castro nga kaniadto pa wala matud pa nanginlabot niini ang pangulo apan gihingusgan matud pa niini ang pagpatubag sa mga tawong nalambigit sa kurapsyon.
