-- ADVERTISEMENT --
BUTUAN CITY – Misaka ngadto sa 2% ang inflation rate sa nasud niadtong Enero ning tuig 2026.
Sumala sa Philippine Statistics Authority (PSA), mas taas kini kumpara sa 1.8% nga natala niadtong Disyembre 2025 apan bisan pa man, nagpabilin gihapon kini sulod sa 2 hangtud 4% target range sa gobyerno ug pasok sa forecast sa Bangko Sentral ng Pilipinas (BSP) nga 1.4% hangtod 2.2%.
Sumala sa mga ekonomista, ang pagpasaka sa inflation tungod sa “base effects” gikan sa ubos nga inflation niadtong 2025.
Apil sa mga hinungdan sa pagsaka niini mao ang mas mahal nga presyo sa bugas, isda, produktong petrolyo, kuryente, ug renta.
