BUTUAN CITY – Nagpasalig ang mga rice importers nga pagamenusan nila ang importasyon sa Marso ug Abril aron matabangan ang lokal nga mga mag-uuma.
Sumala ni Agriculture Secretary Francisco Tiu Laurel Jr., kasagaran ang rice imports moabot og 400,000 metric tons matag-bulan, apan karon limitahan kini ngadto lamang sa 150,000 metric tons sa panahon sa ting-ani.
Gisaysay pa niini nga ang ban sa rice importation gi-lift niadtong Enero ug gilauman nga normal na ang sitwasyon sa pinakabag-o nga mid-March ilabina nga gila-uman nga ang presyo sa bugas, mu-ubos sa panahon sa ting-ani.
Human sa paglunsad sa expansion sa P20/kg rice program sa Metro Manila LGUs, gilauman nga igo ang suplay aron masuportahan ang rollout.
Ang subsidized rice limitado sa 10 kilo matag household matag bulan, ug 30 kilo matag bulan para sa PWDs, senior citizens, ug single parents. Sa pagkakaron, daghan pa og stock nga bugas ang nasud.
