BUTUAN CITY – Miani og maayong komento ang post online ni Ricci Rivero nga naka-bonding niini ang pamilya sa iyang hinigugma nga sila Cong. Richard Gomez og Ormoc Mayor Lucy Torres.
Sumala pa sa netizen nga halatang dawat si Rivero sa pamilya ni Juliana Gomez.
Daw dugay na matud pa nakuha ang maong hulagway apan kagahapon palang kini gi post sa social media. Makitang nag-enjoy matud pa sila sa pag-estoryahay kauban ang pipila pa ka higala.
Kini matud pa ang daw pagkumpirma sa relasyon nila Juliana og Ricci sa dihang mitambong ang basketbolista sa dula ni Julia sa 33rd Southeast Asian Games sa Thailand.
Pipila ka higayon na usab silang nasigpatan nga magkauban nga magka-holding hands pa.
Apan wala silay opisyal nga pamahayag o kumpirmasyon kung magkarelasyon ba gyud ang duruha.
Apan sa pamahayag ni Mayor Goma, dili matud pa niya hilabtan ang mahimong lovelife sa iyang anak.
